Ég hef rekið þjónustufyrirtæki í 18 ár.
 

Byrjaði sem einkaþjálfari, opnaði líkamsræktarstöðvar, byggði upp netfyrirtæki með 700 virka viðskiptavini, rak auglýsingastofu í þrjú ár - og hef síðustu 6 ár starfað sem ráðgjafi fyrir þjálfara og einstaklinga í eigin rekstri.
 

Á þessum tíma hef ég séð sama mynstur aftur og aftur.
 

Þegar starfsemi staðnar eða vex of hægt, er yfirleitt hægt að greina ástæðuna með því að skoða fimm atriði
 

Árangur í öllum þjónustufyrirtækjum má rekja til þessara fimm þátta:
 

1. Operating system (Andlegt ástand og geta eiganda)

Við getum kallað þetta personal operating system - hvernig eigandinn hugsar, tekur ákvarðanir og leiðir starfsemina. Þetta setur taktinn fyrir allt annað. Eigandi með óskýra forgangsröðun og tilfinningadrifnar ákvarðanir skapar kaótískan rekstur, sama hversu góð þjónustan er.
 

2. Sýnileiki og trúverðugleiki:

Þetta er meira en markaðssetning. Það snýst um að rétti hópurinn viti af þér, treysti þér - og hugsi fyrst til þín þegar vandamálið sem þú leysir kemur upp. Athygli og sýnileiki er ekki nóg. Markhópurinn þarf að líta á þig sem “authority” á þínu sviði.
 

3. Tekjuöflun:

Verðlagning, offer, sölu-aðferðir og hagnaður. Flest þjónustufyrirtæki rukka of lítið og gefa of mikið - og skilja verulegar tekjur eftir á borðinu. Yfirleitt vegna þess að strúktúrinn er rangur og verið að rukka fyrir tíma, en ekki útkomu.
 

4. Árangur og upplifun viðskiptavina:
 

Það sem gerist eftir að viðskiptavinur kaupir. Þátturinn sem flestir vanrækja. Mesti potential hagnaður liggur í langtíma viðskipta-samböndunum, og að missa viðskiptavini frá sér óþarflega fljótt eru ein dýrustu mistök sem fyrirtæki gerir.
 

5. Skölun (leverage)

System og strúktúr, gervigreind, viðskiptamódel, teymi. Eða allt það sem gerir fyrirtækinu kleift að vaxa án þess að eigandinn geri allt sjálfur. Án þess að beita “leverage” þýðir aukning í tekjum einfaldlega meira persónulegt álag fyrir eigandann.
 

Þegar þessir fimm þættir eru í lagi, margfalda þeir hvorn annan.
 

Eigandi með skothelt operating system tekur betri ákvarðanir þegar kemur að verðlagningu, setja mörk og byggja upp system sem virkar - í stað þess að slökkva elda alla daga. Þetta eitt og sér breytir hvernig hinir fjórir þættirnir virka.
 

Sá sem heldur lengur í viðskiptavini dregur úr pressu um stöðugar sölur. Meira authority gerir þér kleift að rukka hærra verð. Leverage gefur eigandanum svigrúm til að hugsa og nýta tíma sinn betur.
 

En ef einn hlekkur er veikur, hægir það á öllu.
 

En vandinn er að veiki hlekkurinn er nánast aldrei sá sem virðist brotinn við fyrstu sýn.

Einkenni koma oft fram á öðrum stað en rót vandans. 
 

Þess vegna er algengasta viðbragðið alltaf að markaðssetja bara meira, jafnvel þó vandinn sé ekki sýnileiki. 

Meiri markaðssetning á starfsemi með veika hlekki margfaldar bara vandamálin.

Þess vegna skiptir máli að greina starfsemina rétt áður en farið er í lausnir. 
 

Þú getur ekki lagað hlutina nema vita hvað er að.